Terme en voorwaardes

1. Wie verkoop

Hierdie webwerf (adjudant.netlify.app) en die verkope daarop word bedryf deur Aspigon 209 BK, 'n Suid-Afrikaanse beslote korporasie. Die boeke is geskryf deur Pierre Brand. Aspigon 209 BK is die verkoper van rekord en is verantwoordelik vir elke transaksie, vir die aflewering van jou e-boeke en vir kliëntediens.

2. Wat jy koop

Ons verkoop digitale e-boeke van die Adjudant-reeks, 'n Afrikaanse misdaadreeks vir volwasse lesers. Elke aankoop gee jou die boek in twee formate:

• PDF lees op enige foon, tablet of rekenaar.
• EPUB is vir e-lesers en boek-apps soos Google Play Books of Apple Books.

Jy kan 'n enkele boek koop of die bundel van al 6 boeke. Geen fisiese boeke word gestuur nie. Die boeke bevat geweld, taal en temas wat nie vir kinders geskik is nie.

3. Pryse en betaling

Alle pryse is in Suid-Afrikaanse rand (ZAR) en is die volle bedrag wat jy betaal. Daar is geen versteekte fooie of afleweringskoste nie.

• Enkele e-boek: R120
• Bundel van al 6 e-boeke: R550

Betaling word verwerk deur PayFast. Jy kan betaal met Visa, Mastercard, Diners Club of American Express kaarte, Instant EFT, Capitec Pay, SnapScan of ander metodes wat PayFast op die betaalbladsy aanbied. Pryse kan verander, maar die prys wat jy sien wanneer jy betaal, is die prys wat geld vir jou aankoop.

4. Betaalsekuriteit

Alle betalings word verwerk deur PayFast, 'n PCI DSS Level 1-gesertifiseerde betaalverskaffer. Jou kaart- of bankbesonderhede word op PayFast se beveiligde bladsy ingetik en word nooit deur ons gesien of gestoor nie. Ons stoor net jou naam, e-posadres en bestellingbesonderhede, apart van enige betaalinligting. Die verbinding na hierdie webwerf en na PayFast is met SSL/TLS geïnkripteer.

5. Aflewering

Aflewering is digitaal en gebeur dadelik:

• Sodra PayFast jou betaling bevestig, verskyn jou aflaai-knoppies op die bedankingsblad. Dit neem gewoonlik minder as 'n minuut; met sommige EFT-betalings kan dit 'n paar minute langer vat.
• Ons stuur die aflaai-skakels ook na die e-posadres wat jy by die betaling gegee het. Kyk in jou spam-vouer as dit nie in jou inkassie is nie.
• Elke formaat van elke boek kan tot 5 keer oor 30 dae ná aankoop afgelaai word. Stoor die lêers op jou toestel sodra jy dit afgelaai het.

Die e-boeke is beskikbaar vir kopers in enige land. As jy nie binne 24 uur jou skakels gekry het nie, kontak ons en ons stuur dit weer.

6. Terugbetaling en kansellasie

Omdat e-boeke digitale produkte is wat dadelik afgelewer word, kan 'n aankoop nie gekanselleer of terugbetaal word nadat die betaling deur is nie. Die afkoelperiode van artikel 44 van die Wet op Elektroniese Kommunikasie en Transaksies (ECTA) is ingevolge artikel 42 nie op die verkoop van boeke van toepassing nie.

Ons sal jou wel volledig terugbetaal of 'n nuwe lêer stuur as:

• 'n lêer beskadig is of nie oopmaak nie en ons dit nie binne 7 werksdae kan regstel nie;
• jy betaal het maar geen aflaai-skakels ontvang het nie en ons dit nie binne 7 werksdae kan oplos nie;
• jy per ongeluk twee keer vir dieselfde boek betaal het.

Kontak ons binne 14 dae ná aankoop by adjudant@aspigon209.co.za met jou naam, die datum van aankoop en wat verkeerd is. Goedgekeurde terugbetalings word binne 7 werksdae deur PayFast na jou oorspronklike betaalmetode gedoen. Hoe lank dit neem om in jou rekening te wys, hang van jou bank af. Jou regte ingevolge die Wet op Verbruikersbeskerming bly onaangeraak.

As jy die betaling op PayFast se bladsy kanselleer voordat jy betaal, word niks van jou rekening afgetrek nie.

7. Kopiereg en gebruik

Die boeke is die kopiereg van Pierre Brand. Jou aankoop gee jou 'n persoonlike lisensie om die boeke vir jou eie gebruik te lees. Jy mag die lêers nie deel, kopieer vir ander, herverkoop, publiseer of aanlyn plaas nie. Deel jou aflaai-skakels asseblief met niemand nie.

8. Privaatheid

Ons hanteer jou persoonlike inligting ingevolge die Wet op die Beskerming van Persoonlike Inligting (POPIA).

• Wat ons insamel: jou naam, e-posadres, die boeke wat jy koop, die bedrag, die datum en PayFast se transaksienommer.
• Hoekom: om jou bestelling te verwerk, jou aflaai-skakels te stuur, jou te help as iets verkeerd loop en om ons rekeningkundige rekords te hou.
• Wie dit sien: PayFast verwerk jou betaling. Netlify stoor die webwerf en jou bestelling. Afrihost stuur ons e-posse. Hulle gebruik jou inligting net om hierdie dienste te lewer. Ons verkoop of deel jou inligting nie met enigiemand anders nie.
• Bemarking: ons stuur nie bemarkings-e-posse sonder jou toestemming nie.
• Hoe lank: bestellingrekords word vir 5 jaar gehou soos die belastingwet vereis en daarna verwyder.
• Koekies: die webwerf gebruik geen volg- of advertensiekoekies nie. Jou blaaier onthou net jou naam en e-pos op jou eie toestel sodat jy dit nie weer hoef in te tik nie.
• Jou regte: jy kan vra om te sien watter inligting ons oor jou hou, dit te laat regstel of dit te laat verwyder waar die wet dit toelaat. Stuur 'n e-pos na adjudant@aspigon209.co.za. As jy nie tevrede is nie, kan jy 'n klagte by die Inligtingsreguleerder indien by inforegulator.org.za.

9. Aanspreeklikheid

Ons doen alles moontlik om te sorg dat die webwerf werk en dat jou lêers heel en leesbaar is. Ons is nie aanspreeklik vir verlies wat ontstaan omdat jou toestel of app 'n formaat nie ondersteun nie of omdat jou internet onderbreek is nie. Ons totale aanspreeklikheid vir enige aankoop is beperk tot die bedrag wat jy daarvoor betaal het, tensy die wet anders bepaal.

10. Toepaslike reg en veranderinge

Hierdie terme word deur die reg van die Republiek van Suid-Afrika beheer. Ons kan hierdie terme van tyd tot tyd bywerk. Die weergawe wat op die webwerf was toe jy gekoop het, geld vir jou aankoop.

11. Kontak

Vrae oor 'n bestelling, 'n aflaai of hierdie terme:

Ons antwoord gewoonlik binne een werksdag.